الهبزة مزال ما باغي يعطي لعماله حقوقهم،و النقابات ضربوا الطم عن الملف،فهل لعب الشاي بالياسمين دوره؟

الداخلة تيڤي:


ازيد من 6 أشهر مساكن عمال مجموعة الهبزة وهوما في إعتصام مفتوح أمام مندوبية الشغل بالداخلة،فالبرد و الصهد و الشتاء و الريح و الحال لايزال عليه،المستثمر المحمي ضارب القانون بركلة و داير طز في مؤسسات الدولة و حالف بالله لا أعطى لشي واحد حقه،و كأننا في غابة إخواني أخواتي،و لا أحد بهذه الجهة قادر على إوقف السيد عند حدوده.

المسؤولين بهذه الجهة ولاو بحالهم بحال حليب الحمارة اعزكم الله ما ينفعوا غير ريوسهم و المواطن الذي لا حول له ولا قوة الى بغى يمشي أموت و إلى بغى يشعل فراسوا لعافية ماشي مشكل عندهم،و حتى غير الاستماع لمطالب هاد الناس و محاولة حلحلت المشكل و فك الاعتصام مكاين منها والو.

النقابات هي كذالك ركبت على الملف الأسبوع الأول ولكن بالزربة طلقت منو و رجعت اللور كتفرج،هاد الرجوع كيطرح العديد من التساؤلات ماشي غير فهاد الملف بوحدو ولكن فالكثير من الملفات و المشاكل الإجتماعية اللي عرفتها الجهة،ديما كتلقاهم الاسبوع الأول واقفين حاضرين ناضرين و كيهضرو للمنابر الاعلامية و اغوتو فالوقفات و لكن غير دوز ديك السيمانة و تگول تبقى تشوفهم ولا تسمع ليهم كلمة بخصوص داك الملف.

بالنسبة لينا كمنبر إعلامي فهاد الجهة لا وحود لدخان بدون نار،ولا يمكن أبدا الصمت على هاد الشي،يا إما الواحد يخدم مگاد يا يخوي التيران للناس اللي بيحصل او يخدموا بنزاهة،النقابة راه ماشي شركة،و النقابة راه ماشي لعبة و ماشي مصدر رزق،و النقابة راه ماشي ملكية لعمر او زيد،النقابة لجميع المواطنين،و لجميع الفئات،و الهضرة و الدفاع ديالها على الملفات راه ماشي بالجميل،و النقابة سمعتها تهم الجميع و اقول المثل،حوتة وحدا تخنز الشواري.

نحن لا نوزع احكام القيمة على الناس او الهيئات و لا نملك معجزة لكي نفرق صكوك الغفران و النزاهة على بنادم،احنا عايشين بهاد الجهة و كإعلاميبن كتوصلنا الشادة و الفادة على كل واحد و ماشي غير كنوضو فالصباح و نبداو نهضرو من لخوى لخاوي على القضايا،كنهضرو و عارفين علاش هاضرين.

يا إما الواحد يخدم مگاد،يا إما إخللي عباد الله تدافع على حقوقها و إبعد من “ضور و ضرضر” و نتمنى أن يفهمنا الجميع،و لنا عودة بإذن الله للموضوع بكل تفاصيله.


شاهد أيضا
تعليقات الزوار
Loading...