المرصد الوطني لحماية المال العام،عطا لبوعمود تفويض عام للتوقيع بإسمه

الداخلة تيفي :

تايگول المثل “الدوام،تيهرس الرخام” و كون ما كان أدوام و الخدمة و المعقول ما غاديش إيجي مرصد وطني على گدو و يعطي لشاب ولد الداخلة تكليف ديال منسق للجهات الصحراوية الثلاث و كون ما كان قد المسؤولية ما غاديش إدير قرار اليوم بللي يعطيه تفويض عام للتوقيع بإسمه فجميع الأمور و الوثائق الإدارية.

سويلم بوعمود قبل ما إكون ولد الداخلة و شاب من شبابها،هو واحد من المنتخبين ديالها،الوعي ديالو خلاه إمارس مهام صعيب على شي واحد آخر من المنتخبين أنه إمارسها ولا تكون عندو الشجاعة و المهنية يهضر فملفات حساسة ولا ظواهر اللي هي خطيرة.

حنا بالدور ديالنا كإعلاميين بجهة الداخلة وادي الذهب و اللي مواكبين العمل ديالو من البداية حتى اليوم كنتمناو ليه التوفيق و المزيد من النجاح و التألق،ماشي حيت ولد لبلاد ولكن حيت أخدم و كان قد المسؤولية فهنيئا له و هنيئا للمرصد الوطني لحماية المال العام و محاربة الرشوة به.