واش هادشي وصل لوالي جهة الداخلة؟ واش فراس لفتيت؟ قايد فجماعة بيرنزران فالداخلة شرمل موظف بالجماعة بالتصرفيق و البونية،واش غادي يتحاسب ولا والو؟
فالبداية ضروري ما نستحضر ما نص عليه القانون الجنائي المغربي في الفصل 225 منه على أن: “كل قاض، أو موظف عمومي، أو أحدرجال أو مفوضي السلطة أو القوة العمومية يأمر أو يباشر بنفسه عملا تحكميا، ماسا بالحريات الشخصية أو الحقوق الوطنية لمواطن أوأكثر يعاقب بالتجريد من الحقوق الوطنية …”، حتا لدابا مزيان ولكن واش هادشي ليوقع اليوم فجماعة بيرنزران فالداخلة وصل للسيد واليالجهة؟ واش وصل للسيد وزير الداخلية؟
قايد معروف في اوساط ساكنة الجماعة ديال بيرنزران بالعنتريات ديالو و بالشطط في استعمال السطلة ديالو فحق المواطنين و وصلات داباحتا للموظفين فالجماعة.
هاد القايد تناقش مع شي موظف فالجماعة ديال بيرنزران يدعى “مصطفى” و هاد النقاش خلاه يشرمل هاد الموظف و برك عليه بالتصرفيقو البونية حسب شهود عيان حضرو للواقعة.
راه بحال هاد لبسالة هيا لي خلات ليسوا ولمايواش احل علينا فمو و يوصف هاد لبلاد باوصاف في الداخل و الخارج ماشي تالهيه،حيتبحال هاد الناس كيشوفو راسهم فوق القانون و الى طلع ليهم الدم مكاين غير التعنيف و الهضرة الخاسرة بلا حساب ولا عقاب.
وخا يتعدا القايد كيدوزوها ليه بحال لموقع والو و كيزيد فالشطط ديالو مرة على مرة اذا خاص ولاية الجهة تدخل و تطبق القانون بحزم ضدهاد السيد ولا غادي تكون خدات موقف منحاز ضد القانون و في دولة الحق و القانون لي قال المشرع ديالها بالحرف “كل عمل تحكمي، وكلعنف غير مبرر قانونا”، والعمل التحكمي هو “كل عمل اعتباطي لا يرتكز على أساس قانوني يبرره” والتبرير لا يكون إلا بالاستناد إلىالقانون وقانون المملكة لا يبرر ذلك أبدا” و نزيدو هاد الواقعة على بزاف ديال الواقعات قبل منها.
ايوا غادي نشوفو واش غادي يتطبق هادشي على مسيو القايد ولا غادي يبقا اصرفق فعباد الله.
