عيد الأضحى..جماعة الداخلة دارت مجهودات كبيرة للحفاظ على نظافة لمدينة و وفرات مسلخ خاص للمواطنين
من أجل الحفاظ على النظافة ديال لمدينة أيام عيد الاضحى المبارك،رئيس مجلس جماعة الداخلة الراغب حرمة الله اعطى التعليمات ديالوبضرورة تنظيم نقاط بيع الاضاحي باش تكون فظروف ملائمة و تحافظ على نظافة احياء المدينة و تقضي على الاعشوائية.
رئيس الجماعة دار اجتماع مع ممثلي كافة المصالح المتدخلة و منها مصلحة النظافة و لونسا و السلطات المحلية و مكتب الماء و الفلاحة وناقش معاهم الامور لي خاصها تدار فلمدينة باش ادوز المواطن العيد ديالو فاحسن الظروف.
مجهودات كبيرة دارها المجلس الجماعي للداخلة لتوفير ظروف جيدة لأداء صلاة العيد فالمصلى و حتا القضية ديال الذبح حتا هي دارو ليهاحل و فتحو مسلخ خاص للساكنة فالمجزرة ديال البلدية.
هاد المجهودات لي دارت جماعة الداخلة كانت منظمة،و شركات معاها حتى جمعيات المجتمع المدني فلمدينة للقيام بحملات توعوية وتحسيسية و وزعو فيها اكياس بلاستيكية خاصة بنفايات عيد الاضحى.
