جلالة الملك بغا الجدية و المسؤولية فالعمل وخدمة المواطن..و جماعة إمليلي عندها طريق مقطوعة بالرمال هادي شهر
و لعجب العجاب فهاد الجهة السعيدة و الجماعات الترابية المتواجدة بها،تدبير عشوائي بزاف بحال الى حنا فشي دول اخرى و الجهاتالمجاورة لنا غادية فمسارها التنموي و خدامة على تنزيل الرؤية الملكية و كل خطاب ملكي كينزلو المضامين ديالو بشكل يليق بمقام المملكةالمغربية.
من بعد الخطاب الملكي السامي بمناسبة عيد العرش المجيد،و الحديث ديال سيدنا على ضرورة الجدية التامة و تحمل المسؤولية ها احناكنهضرو على طريق حيوية كتربط بين الطريق الوطنية رقم1 و قرية الصيد تشيكا لي مقطوعة هادي شهر بسبب زحف الرمال و بالرغم منالمراسلات و النداءات لي وجهوها البحارة مزال الحالة هيا هيا.
“والجدية كمنهج متكامل تقتضي ربط ممارسة المسؤولية بالمحاسبة، وإشاعة قيم الحكامة والعمل والاستحقاق وتكافؤ الفرص” مقتطف منالخطاب الملكي السامي،راه هاد الناس خاصهم افهموا بان لولا تلك الجدية و المسؤلية لما كان المغرب اليوم غادي فطريق يحسدوه عليهابزاف ديال الدول،شوف ليك لعيون و شوف ليك اكادير و شوف كيفاش ولات الرباط و الدار البيضاء و الجماعات الترابية المتاخمة لها.
انه العار يا سادة،العار ملي تكون عندك مداخيل كبيرة من الصيد البحري و انت عاجز عن توفير النظافة و الطرق و الرعاية الصحية والامن،و زيد عليها ان الجماعة سبق لها برمجات في دورة سابقة جرافة لمحاربة زحف الرمال و مزال ما شفنا والو.
هاد المنطقة ديال تشيكا الجميع كيعرف بانها منطقة تصنف خطيرة بسبب انتشار عشوائي ديال حقول الالغام و مكاين حتا علامات التشويراو التنبيه،وملي تقطعات الطريق ولاو سيارات البحارة كيمشيو فلابيست و هذا هو الاستهتار بارواح الناس.
البحارة من بعد الاذان الصماء ديال السلطات المحلية و منتخبي الجماعة دارو اضراب فوسط المارشي و رفضو بلي يشريو السلعة حتااكون الحل وهنا غادي نحطو تساءل.
واش ما عمرنا غادي نتحملو المسؤولية ديالنا غير بالاعتصامات و الصحافة و لغوات؟ هادشي راه بزاف
