مسيرة الداخلة..واش الداخلة فيها غير حزب الاحرار و الاستقلال؟علاش غابت احزاب أخرى عن التعبئة و التأطير لملحمة وطنية؟فين مشاو جمعيات الدعم السمين من المجالس المنتخبة؟
گالو راه صاحبة طاح..گالو راه من الخيمة خرج مايل،هادي هيا قضية بزاف ديال الاحزاب السياسية فالداخلة ملي كتعلق الأمور بالقضاياالوطنية،كلشي كيضرب الطم و كيرجع اللور.
تابعنا مجريات التعبئة و التأطير ديال حزبين سياسيين فقط فالداخلة و شفنا الدور الكبير ديالهم فالتعبئة لنجاح هاد التظاهرة وفنفس الوقتكنا كنساينو نفس الموقف و المبادرة من عشرات الاحزاب كانت تملئ شوارع الداخلة فالحملات الإنتخابية و كدير خدمة القضية الوطنيةفرأس برنامجها الانتخابي ولكن صدق داكشي غير الهضرة.
يمكن اليوم نقولو بأن فالداخلة القطبية الثنائية فالأحزاب السياسية،كاين الأحرار و الإستقلال و ربما الى رجعنا الى الوراء قبل انتخابات2021 كان نفس الشيئ،احزاب تبادر و تأطر و تحشد مناصريها فالقضايا الوطنية و كالوح الخلافات السياسية جانبا.
اختفت السنبلة و التراكتور و الوردة و اللمبة و الحصان و الكتاب و الطائرة و الزيتونة و المظلة و الغزال و الرسالة و و و و ….ومعظمهااحزاب لها ممثلينها في المجالس وكانت حاضرة وبقوة في الإنتخابات تعبئ وتؤطر لكن للأسف الكثير منا مؤمن بمصالحه الشخصية أكثرمن قضايانا الوطنية،ما عندهومش الوقت ولا الجهد مساكن و كاين لي كان حاضر براسو وكاين لي راسو و ما حضروش.
هاد شي ماشي مزايدة فالوطنية ولا توزيع لصكوك البرور بالوطن و الإيمان بالدفاع عنه،بالعكس نحن متأكيد تماما بأنهم وطنيين حتاالنخاع و ناس قادرين على مساعدة الوطن بالغالي و النفيس ولكن ربما هوما براسهم يفتقدون للتأطير في مركزياتهم الحزبية و التواصل معالمواطن و تعبئته ماشي ساهلة خصوصا ملي اقول للمنتخب “شنو درتي من هاديك الوعود الانتخابية ديالك“؟.
الرسالة ليبغينا بزاف ديال السياسيين فالداخلة افهموها هو بأن العمل الحزبي و دوره فالتأطير و التعبئة و التوعية ما عندوش وقت محدد ومعندوش علاقة مع حزب نجحو مرشحيه فالانتخابات ولا ما نجحوش،الوطن اولا و اخيرا خاصة في هذه الفترة الخاصة.
فنفس الإطار بغينا نعرفو هاديك الجمعيات لي كتنهب الدعم السمين من المال العام من جميع المجالس المنتخبة وشفناها فبزاف ديال الدوراتفين كانت غايبة؟ ياك كتشد ملايين الدراهم بذريعة ديال الترويج لمدينة الداخلة و الصحراء المغربية؟ اوا هادي كانت مناسبة اشوف العالم فيهاشحال معتزين الصحراويين بمغربيتهم و شحال معتزين بملكهم و نعطيو مثال بسيط على سبيل المثال وليس الحصر، فين هيا واحد الجمعيةسميتها “لاگون الداخلة” ديال ليلى اوعشي؟ دابا الكايت سورف عندو اشعاع و ستة نونبر لا ؟
و ما على الداخلة تيڤي الا البلاغ، وشكرا لمن ساهموا بالقليل او الكثير فانجاح تظاهرة شارع الحسن الثاني فالداخلة نهار ستة نونبر.
