فالداخلة الأرض تباع بقع بالتقسيط،ولكن فبوجدور باعوها لخوت بالجملة للقطريين

الداخلة تيفي :

الفنان التونسي لطفي بوشناق في إحدى روائعه الغنائية يقول للمسؤولين “خذو المراسي و المناصب بس خلولي الوطن” فأجابه المسؤولين على الشأن المحلي بمدينة بوجدور “غادي نبيعوه للقطريين”.

هذا هو ما حدث لجزء من الأراضي السلالية ديال قبيلة اولاد تيدرارين الموجودة جنوب مدينة بوجدور و بالضبط منطقة “اجريفية” و منطقة “ازويلية” اللي تباعو بثمن رمزي لمستثمر قطري بغا إرجعهم محمية خاصة به.

خلاصة وحدة يمكن ليك تستخلصها من هاد النوع من لفعايل و هي أن المسؤول ما عندو غرض لا فوطن ولا هم يحزنون المهم هو “عومار” و الكونت تكون عامرة بوسخ الدنيا و لو كلفه ذالك ابيع قبر باه ولا أمو لان القاعدة عندو تقول “لي ما يتباع و يتشرا فهو حرام”.

و بحال والو اكونو باعو حتى لمدينة ديال بوجدور و شتو فلوسها من بعد ما باعو الساكنة ديالها شحال هادي و خلاو الفقر و التهميش و البطالة كتقتل فاولادها و هوما ولادهم مبرعين فالرباط و أوروبا،لان هاد الزمان ما بقى فيه لا أرض ولا عرض غير الله احضر السلامة و صافي.