مصادر، الأحرار غادي إرشحو حمَّد الشيݣر لرئاسة بلدية السمارة و أميْد الجماني غادي لبلدية الداخلة
في خضم الإستقطابات اللي واقعة بين الأحزاب السياسية القوية و المتواجدة فالساحة فجهات الصحرا الثلاث قبل لحريرة ديال الإنتخابات القادمة إستطاع حزب الحمامة أنه يقنع النائب البرلماني و إبن إقليم السمارة و أحد الأذرع القوية ديال حمدي ولد الرشيد “حمد الشيݣر” باش ينضم لهم.
هاد الإنضمام مجاش غير نتيجة ديال خلافات كاينة بين “حمد الشيݣر” اللي برلماني بلون حزب الإستقلال و بين منسق الجهات الثلاث “حمدي ولد الرشيد” و إنما نتيجة ديال رغبة التجمع الوطني للأحرار بترشيح “حمّد” لرئاسة المجلس البلدي للسمارة خلفا ل ميْد ولد الجماني.
مصادر مقربة بزاف من محيط عائلة أهل الجماني أكدت لداخلة تيڤي بلي “أميْد” غادي يترشح فالداخلة فالإنتخابات القادمة لرئاسة المجلس البلدي خلفا للأخ ديالو “صلوح الجماني” و اللي إزيد يأكد هاد المعلومة هو توصل الجريدة بمعلومات من مصدر موثوق تفيد بلي “أميْد الجماني” حصل على شهادة السكنى قبل مدة من إحدى المقاطعات الحضرية اللي كاينة فالداخلة.
هاد الإستقطابات اللي قام بها حزب الحمامة و اللي كتشمل كافة أقاليم الجهات الثلاث و اللي غادي تأثر بزاف على قواعد أحزاب كانت قوية فالساحة السياسية فالصحرا خاصة حزب الإستقلال اللي دابا فقد رقم صعب فالحسابات ديالو فالسمارة “حمد الشيݣر” زيد على ذالك الداخلة اللي قدر حزب الحمامة أنه يتصدر المشهد السياسي فالساحة بضم شخصيات سياسية وازنة و يحسب لها ألف حساب بحال محمد لمين حرمة الله و أمبارك حمية و ربما غادي تكون إستقطابات أخرى غادي تجي بشكل مفاجئ.
