الى جا لعياط من الكدية لهروب منين..حتا البرلمانيين فالداخلة مهمشين، برلمانيات الداخلة نساحبو من لقاء يترأسه “النعم ميارة”، و السبب التهميش و ما علموهم باللقاء حتا لأخر لحظة.
التهميش و الإقصاء ما بقاوش تيتمارسو غير على الساكنة فالداخلة و لا السباب ديالها و لكن القضية وصلات لدرجة ان البرلمانيين لي هوماممثلي الامة في قبة البرلمان ولاو مهمشين و ما فراسهم ما يتعاود.
اليوم كان فالداخلة واحد الندوة موضوعاتية جهوية في موضوع “الجهوية المتقدمة ورهانات التنمية الترابية المندمجة: جهة الداخلةوادي-الذهب نموذجا”، و كيترأسها رئيس مجلس المستشارين الإستقلالي “النعم ميارة” برلمانيات من مختلف الأحزاب قاطعو الكلة ديالميارة و قالو ليه حنا منساحبين من هادشي.
سبب الإنسحاب حسب كلمة البرلمانية الإستقلالية “خديجة بوگرن” هو التهميش ديالهم و ما فراسهم الندوة ولا موضوعها حتا لأخر لحظةعاد خبروهم.
اوا الله يحسن اعوان سكان الداخلة وصافي وربما هيا رسالة ليهم من البرلمانيين و المنتخبين مفادها احنا راه لا حول لنا ولا قوة و خا نشكوو نبكو فالبرلمان و وخا نسكنو فيه كع ليل نهار مكاين لي مسوق لينا ولا مشاورنا فشي حاجة.
