في وقت دعا فيه وزير الداخلية عبد الوافي عبر مذكرة موجهة لولاة و عمال اقاليم المملكة الى ترشيد النفقات و وصاهم يتكايسو شوية علىالمال العام خرجو لنا جماعات فالداخلة بشي ميزانيات فاقت الخيال العلمي فجداول الاعمال ديال الدورات ديالهم.
قبل ايام شفنا جدول الاعمال ديال جماعة امليلي و كان فيه شي ارقام بالملايين كتخلع مقابل خدمات ما عندها اي نفع لساكنة الجماعة ليكتعاني من الفقر و التهميش و الاقصاء بالرغم ان هاد الجماعة هيا جماعة عندها لخير و لخمير.
اليوم خرج لينا رئيس جماعة بئرنزران بجدول اعمال فيه باب ديال لحديد بغاو اديروه لمقبرة ديال الجماعة و دار ليها جوج ملاين و نص ديالالسنتيم واش هادشي نورمال فهاد لبلاد؟
المعارضة ديال الجماعة بقاو غير كيشوفو و اضحكو حيت ما عندهم ما اديرو مدام القانون كتحكم بيه الاغلبية و كتصوت و الداخلية كتفورنيو مكاين لا محاسبة لا هم يحزنون.
هادشي عيب و عار فبلاد كتعاني من شمالها لجنوبها و عدم احترام لمشاعر ربعين مليون مغربي كيطالبو غير بماطيشة ترخاص شوية والجماعات كيشتو فلفلوس يمينا و يسارا.