الكورطاج” في تزايد بالداخلة،واش السلطات الأمنية عاجزة عن توقيف المسؤولين على هاد لعجب؟ واش كاينة شي مراقبة على العيادات الخاصة؟
وخا الداخلة مدينة صغيرة و كيفما كيفول المثل عشرة دريال ديال الجاوي كتبخرها غير هو السلطات الامنية مزال عاجزة عن توقيفالمسؤولين على هاد لعجب ديال الكورطاج.
خلال اسبوعين فقط لقاو جوج ديال الرضع مليوحين فالزبل، لول لقاوه فالزبل حدا منطقة لحرايت و التاني لقاوه فوسط المدينة و هادشيماشي نورمال و كيبين بلي كاين شي حد كيدير الكورطاج فلمدينة و كل مرة كيلوح مخلفات الجرائم ديالو فبلاصة و كيختار لبلايصليمعليهمش العين و قليل لي كيدوز منهم.
كلشي كيعرف بلي الداخلة ولات كلها عيادات خاصة و هاد العيادات مكاينش لي عارف واش عندها تراخيص مزاولة العمل ولا غير بحالالمحليات لي فاق فالصباح ادير عيادة خاصةو يبدا كيخدم.
المديرية الجهوية ديال الصحة فالداخلة حتا هيا عندها مسؤولية و خاصها توضح لينا واش هاد العيادات الخاصة لي كاينة فالداخلةمديكلاريا عندها و الدكاترة و لفرامليا لي خدامين فينها شكون هوما واش عندها شي سجل ديال الناس ليكدخلو ليها ولا والو؟.
ما يمكنش تبقا هاد لمدينة فحالة فوضى فجميع المجالات ولات الداخلة فظرف وجيز هيا لمدينة رقم واحد فالمحظور و الفير قانوني،ولات الناسكاتجي من مدن بعيدة باش دير شي اعمال و افعال غير قانونية وهادشي السبب الرئيسي فيه هو الفوضى و اندام المراقبة.
انعدام المراقبة ديال هاد العيادات الخاصة و شنو كيوقع فيها، و انعدام حتا اعمال الدكاترة لي كاينين فلمدينة و طبيعي نلقاو كل مرة جنينمرمي فالزبل مدام مكايناش تحركات جدية لتوقيف الناة على هاد الافعال الاجرامية و كل مرة يتفتح تحقيق و يبقا مفتوح حتا لاخر يومفالدنيا.
الامن ديال الداخلة مطالب اليوم بتحرك كبير حيت هادشي راه فيه ارتكاب افعال جرمية خطيرة و كتمس بلمدينة و بالناس ديالها و خاصتنسيق مع المديرية ديال الصحة و العيادات و المراكز ليمعندهمش تراخيص العمل خاصهم يتسدو و يتاخدو فحقهم الجزاء القانوني.
