القايد ديال قيادة بئرنزران زاد فيه بزاف..صرفق موظف و كيحارب أعوان السلطة اولاد لبلاد و طالق اللعب للبناء العشوائي بلعلالي
هاد المسلسل ديال قائد جماعة بئرنزران مابغاش اسالي و السلطات مابغاتش تدير حد لهنجهية هاد السيد و تطبيق القانون معاه و التوقيفديالو و التحقيق معاه فبزاف ديال الأمور المشبوه فالنفوذ الترابي ديالو.
القايد و من بعد ما صرفق موظف فالجماعة ظلما و عدوانا وخرج منها بدون محاسبة ولا داير فيها صعصع على اعوان السلطة ولاد لبلادليخدامين معاه فافتاس 111 و كيحرض عليهم جدارميا و لمخازنيا و الكاشطورات و البحارة.
الداخلة تيڤي توصلات بشكاية من عون سلطة من ولاد المنطقة خدام مع القايد صعصع كيقول فيها بان القايد مبغاهش يخدم فلازون ديالامطلان و داير عليه حرب باش احيدو وهادشي كامل غير باش ميعرفوش هاد اعوان السلطة اشنو واقع فقرية الصيد امطلان و شناهيالمعاملة لي كتجمع القايد مع البحرية ديال القرية.
البناء العشوائي و الصيد بالشامبرير و لعجب لكحل داير خبلة فلازون ديال هاد القايد و مع ذلك مزال شتد بلاصتو و كأن شيئا لم يكن وهوفالحقيقة خاص محاسبة و تحقيق فهاد شي و خاص تدخل حازم من السلطات الولائية توقف هاد السيد عند الحد ديالو و توقف الشططالخطير فاستعمال السلطة ضد المواطنين و الاعوان لان هاد شي ماشي مقبول.
