هادي خدمة نقية..مخيم صيفي دولي دبلوماسي فالداخلة بحضور البعثات الدبلوماسية،”أحمد الصلاي” نموذج للفاعل الجمعوي الوطني بلا ريال بلا جوج

مدير النشر

خدمة نقية دارها الفاعل الجمعوي الصحراوي احمد الصلاي رئيس جمعية مغرب الطفولة والتمكين و رئيس جمعية الجهوية المتقدمة و الحكمالذاتي بجهة الداخلة وادي الذهب ملي قرر ادير مخيم صيفي دولي دبلوماسي و عرض على گع البعثات الدبلوماسية الافريقية لي كاينةفالداخلة.

المخيم الصيفي الدولي الدبلوماسي تنظم نحت شعار “الترافع من اجل حماية الطفولة الافريقية” و كيدخل فاطار فعاليات  البرنامج الوطنيللتخييم صيف 2023 تحت إشراف  وزارة الشباب والثقافة والتواصل قطاع الشباب بشراكة مع الجامعة الوطنية للتخييم.

الفاعل الجمعوي “الصلاي” كيقدم الغالي و النفيس للدفاع على الوحدة الترابية و بأفكار مختلفة و هادفة و ربما اليوم هو الجمعوي ليمكنلينا نصنفوه بالنشيط بدعم و بلا دعم فملف قضية الصحراء،فوقت كنشوفو جمعيات سرطات ملايين الدراهم فلخوا لخاوي و ماليها الى كانالذعم راهم ناشطين والى ماكانش كيقلبو لوجه.

السيد عندو تواصل مستمر مع جميع البعثات الدبلوماسية الافريقية و حاضر فكل المحافل و المناسبات و هاز هم قضية الوحدة الترابية و ماعندو سوق فناس ليكتحاربو و كتمنع عليه الدعم لانه مؤمن بعدالة قضيته و كيدافع بحب الوطن ماشي حب عومار.

النسخة الصيفية منظمة تحت الرعاية السامية لصاحب الجلالة الملك محمد السادس يعني السيد عطاها المكانة ديالها و حسس اصدقاءناالدبلوماسيين الافارقة بلي اي برنامج تدار كاينين فيه و ولاد الجاليات ديالكم كاينين مع ولادنا وهادي هيا الخدمة النقية ديال بصح وهاديهيا الدبلوماسية ديال العقلاء و الى كان شي منتخب ولا مسؤول فهاد لمدينة عندو علاش يحشم راه هاد الخطوة الغياب عليها كيحشم.

راه من الغير المقبول يبقاو هاد الفاعلين الجمعويين الوطنيين لقمة صائغة لأي طرف،بلعكس الدولة خاصها تعطيهم أولوية و تتديد بيهم للقداموتكون المدافع رقم واحد على گع محاولات الاقصاء ليكتعرضو ليها.

الوطنية ماشي هيا سرقة المال العام ديال الساكنة و الوطنية ماشي هيا الخطابات و الشعارات و الكتابات،الوطنية هيا تخدم وطنك بديالكقبل من تخدمو بديال الدولة و تقدم الغالي و النفيس من التضحيات و نتا ما كاتساين حتا شكرا من عند شي واحد.